Professional Website Banwaye | Starting Price Rs 2,500/-

Kya aap apne business ke liye professional Website banwana chahte hai par apko nahin pta ki website kahan se banwaye, website banwane ke kya fayde hai, website banwane ke liye kya chahiye, website ke prakar, to in sabhi sawalon ka jawab apko yahan milega.

Doston, Aage badne se pehle me apko apne bare me kuch btana chahunga, Mera naam Bhuvnesh Shrivastava hai, Main ek Professional Website Developer hun. Main Pichle 7 Years se website design and development ka kam kar rha hu.

Maine India, USA, UK, Australia, Russia, France, Germany, Singapore, Canada or bhi kai foreign countries ke clients ke liye website design and development ka kam kiya hai.

Website ya blog banwane ke liye contact kare.


+91-7987973800

+91-7987973800

bhuvi-shrivastava

diveinwpofficial@gmail.com

 

Website Banwana Hai kahan Se Banwaye

Aksar, jab bhi koi website banwane ke bare me sochta hai to bahut sare sawal mann me aate hai aur sab se aham sawal website kahan se banwaye

To agar aap internet par search karenge toh aapko hajaaron options mil jayenge, jinme se bahut se free website banane ka tarika btayenge, bahut se kisi free platform par website banane ka btayenge.

Par ek baat jo sabse jyada important hai wo ye ki agar aap apne business ke liye website banana chahte hai to apko kabhi bhi free website ya phir free website platform ka use nhi karna hai.

Kyunki aap apne business ke liye website banwana chahte hai, jisse aap apne business ko online laa sake, internet par apne business ki pehchaan bna sake. Aur customers aapse apki website ke jariye online contact kar sake.

To agar aapki website apke liye business lake de rahi hai ya phr internet par apke business ki identity ko represent kar rhi hai to aise me free website use karna bahut galat sabit ho sakta hai or ye apke business par negative impression bhi daal sakta hai.

To agar aap apne business ke liye ek professional website banwana chahte hai to aap kisi bhi professional website developer ya phr website design & development company se contact kar sakte.

Agar aap chahe toh aap mujse bhi contact kar sakte hai, me bhi apke business ke liye professional website bna ke de sakta hun. Meri pricing 2500/- Rs se start hai. meri contact details upar di hui hai.

Website banane ke liye kya chahiye

Ek website banane ke liye sabse important 2 cheez sabse jyada important hai. Pehli website ki hosting aur dusra website ka Domain name. Kisi bhi website ko bnane ke liye ye 2 cheeze sabse jyada important hai.

Iske alawa bhi kai aur factors hai jaise ki website ka design, website ki functionalities, website ki security, search engine optimizations etc. Jo alag alag website ke liye alag alag ho sakti hai lekin domain or hosting sabhi website ke liye compulsory hai.

Website Hosting Kya hai.

Hosting ka matlab web space se hota hai, jaise ek makan banane ke liye apko pehle jameen purchase krni padti hai thik usi tarah website ki files ko internet par store krne ke liye apko web space purchase krna padta hai. Jahan aap apni website ki files ko store karte hai.

Domain name kya hai.

Domain name ka matlab hai aapki website ka address. Jaise apke ghar ka ek address hota hai thik waise hi apki website ka ek address hota hai jise hum domain name kehte hai. Isi domain name ke jariye users apki website ko dekh sakta hai.

Iske alawa kuch or important factors hai jo apki website me hona chahiye.

  • Website Design – Aapki website ka design professional hone ke sath-sath clean or user friendly hona chahiye, jisse koi bhi user aasani se apki website ko use kr sake or information le sake.
  • Responsive Design – Aapki website ka design responsive hona chahiye, jisse apki website laptop or computer ke alawa sabhi mobiles or tablets me bhi aasani se open ho sake aur users apki website ko mobile se bhi use kar sake.
  • Search engine optimizations – Aapki website search engine optimized hona chahiye, jisse sabhi search engines jaise ki Google, Bing, Yahoo etc. aapki website ko aasani se list kar sake (Search engine optimization ke aur bhi kai sare factors hote hai )
  • SSL Certificate – Aapki website me SSL certificate install hona chahiye. SSL certificate aapki website par ek secure layer create karta hai aur agar ap apni website se online payment lete hai to ye compulsury hota hai. Google bhi SSL certificate ko recommend krta hai.
  • Website Security – Aapki website secure hona chahiye, jisse ki use hacking se bachaya ja sake.

Website banwane ke fayde

Doston, aaj ke samay me jis tarah se internet ka upyog na sirf India me balki puri duniya me jis tarah se bad rha hai, use dekhte hue apke business ki jaankari or business ka online hona bahut jaruri ho gya hai.

Website ke jariye na keval aap internet par apni business ki pehchaan bnate hai balki aap apne business ko duniya bhar ke logon tak pahucha sakte hai, jo ki bina website ke namumkin to nahin par haan muskil jarur hai or shayad isme apko bahut sara time or paisa dono kharch karna pad jaye.

Waise to aapke business ki website hone ke bahut sare fayde hai, par kuch common fayde yahan me apke sath share kar rha hun.

  • Website ke Jariye aap apne business ko Jyada Se Jyada Logo tak desh-videsh me pahuncha sakte hai ya yun kahe ki log online search karke apke business ke bare me jan sakte hai or apki services ke liye aap se contact kar sakte hai.
  • Website hone se apke business or apke dwara di jane wali services ki jaankari 24X7 available rehti hai. Jisse koi bhi user kabhi bhi kisi bhi samay apke business ke bare me jaankari prapt kar sakta hai.
  • Website ke jariye aap jyada se jyada logon tak apne business ka promote kar sakte hai.
  • Apke business ki liye professional website hona customers ki nazar me apke business or apke dwara di jane wali services ke prati ek vishwas banati hai.

Website Ke Prakar – Apko kis tarah ki website banwana chahiye

Aksar jab log website banwane ka sochte hai to ek confusion ya question generally sabhi ke pas hota hai, aur wo ye ki hame kis tarah ki website banwana chahiye.

Doston, Jahan tak website ke design or functionalities ki bat hai to ye har website ke liye alag ho sakti hai, par jo dhyaan rakhane wali baat hai wo ye ki apko website static banwani hai ya dynamic banwani hai. Generally Website 2 prakar ki banai jati hai

  • Static Websites
  • Dynamic Websites

Static Website Kya Hoti Hai

Static Website wo hoti hai, jahan par content or data ko hard code kiya jata hai. Iska matlab jo bhi information aap apni website me dena chahte hai, wo website ke banate samay usme set ki jati hai.

Agar aap ko website programming ki knowledge nhi hai to aap is information ko khud change nhi kar sakte. Ya yun kahe ki is tarah ki website me kuch bhi change karne ke liye apko website developer se contact karna hoga.

Haan agar apko website programming and HTML, CSS ka knowledge hai to aap bhi is tarah ki website me content add or update kar sakte hai.

Static Website Kab Banwaye

Agar apka business or apki taraf se di jane wali services offline hai, aur aap website isliye banana chahte hai taki log internet ke jariye apke business or services ke bare me jaan sake aur apse contact kar sake to aap is tarah ki website banwa sakte hai.

Dynamic Website Kya Hoti Hai

Dynamic websites ki agar baat kare to mere hisab se aaj ki date me shayad 90% se bhi jyada website dynamic hongi.

Dynamic website ke andar kai sare modules ya part ho sakte hai. Is tarah ki website me aap khud apni website ko manage kar sakte hai, content add kar sakte hai, update kar sakte hai.

Dynamic website ke jariye, users bhi apki websites ke sath intract kar sakte hai or apki websites ki services ka use kar sakte hai.

Blogs, Online Shopping Website, Online Web Portals, Social Media Websites, News Websites, Online Examination Systems, or bhi bahut sari alag alag tarah ki websites jahan users content ya data ke sath interect kar sakta hai, dynamic websites ki category me aati hai.

Dynamic Website Kab Banwaye

Agar apka business ya services online hai, ya phr aap koi blog setup karna chahte ho, ya koi e-commerce website banwana chahte ho, ya phr aap kuch custom development karwana chahte hai to aapko dynamic website banwana hogi, kyunki static website me ye sab possible nhi hai.

Doston, main recommend karunga ki aap dynamic website hi banwaye. Isme apko backend me ek panel milta hai jiske jariye aap aasani se apni website ko manage kar sakte hai.

To doston, umeed hai ki is article ke jariye aapko website banwane ke bare me sabhi jankari mil gayi hogi. Agar abhi bhi apke mann me koi question hai to aap niche comment box me puch sakte hai.

Website Banwane Ke Liye Sampark Kare

Aap apni website ya blog banwane ke liye mujse contact kar sakte hai. Mera Email id or Contact no neeche diya hua hai.

Website ya blog banwane ke liye contact kare.


+91-7987973800

+91-7987973800

bhuvi-shrivastava

diveinwpofficial@gmail.com

Agar aap mujse website ya blog banwana chahte hai to kuch Important points neeche diye gaye hai, kripya dhyaan se pade.

  1. Website banane ki starting price 2500/-Rs hai, ye apki website ke design, complexity and requirements ke hisab se jyada bhi ho sakti hai.
  2. Website banane ke liye Domain aur Hosting Aapko kharidna Hoga, Domain aur Hosting ki price isme add nhi hai.
  3. Agar aap ko nhi pta domain aur hosting kahan se aur kaise kharidna hai to me aapki help kar sakta hu.
  4. Agar aap hosting or domain bhi mujh se hi kharidna chahte hai to iske liye apko Rs 2000/- alag se pay karna honge. Jisme aap ko ek saal ke liye domain aur hosting milegi.
  5. Website banwane ke liye apki website ke total cost ka 30% apko advance payment karna hoga. Baki Payment aap website complete hone par krna hoga.
  6. Website ka content and information, jaise images, text, or aapki jo bhi requirements hai wo sab apko written me deni hongi.
  7. Website development ka sara kam hamare development server par hoga. jab aapki website complete ho jayegi to apko full payment krna hoga aur apki site apke domain or hosting server par transfer kar di jayegi
  8. Kisi bhi tarah ki Premium template, theme, ya plugin use karne ke liye, apko use template, theme, ya plugin ko purchase krna hoga.
  9. Iske alawa agar aapke koi aur questions ya doubt hai to aap mujse contact kar sakte hai.

Leave a Reply

Your email address will not be published.

Begin typing your search term above and press enter to search. Press ESC to cancel.

Back To Top